A-dro dhyn

An korpus

Hwilas korpus yw toul a re dhe Gernewegoryon ha studhyoryon Gernewek an gallos dhe hwithra ensamplow a dhevnydh neb ger Kernewek.

Medrys yw hemma dhe dhiskwedhes geryow Kernewek yn kettesten may hallo studhyoryon ha treylyoryon gweles fatel yllir devnydhya geryow yn fordhow divers ha sotelnethow a dhevnydh.

Yma oll an ensamplow a dhevnydh dhyworth treylyansow yn Kernewek FSS a-dhyworth Gonis Treylya Sodhva an Yeth Kernewek a 2014 bys dhe 2020.

Dres termyn, an Akademi Kernewek a vynn kressya an wiasva hwilas korpus mayth yssynso aray efanna a bennfentynnyow ow tevnydhya Kernewek yn nivelyow dyffrans, r.e. tekstow istorek, lien, kows pub-dydhyek.

An Akademi Kernewek a wra kesoberi gans kowethasow kespar rag aswon tekstow essensek dhe geworra dhe'n wiasva ma y'n termyn a dheu. Y hyllir keworra tekst dhe'n sel-vanylyon mars usi ev lemen y'n furv a sew:

  • Tekst alinys yn Sowsnek / Kernewek
  • Y'n FSS
  • Treghys

 

Akademi Kernewek

Akademi Kernewek yw omgemeryansek  rag towlennans an korpus a Gernewek, yn y vysk desedha savonow rag an yeth, displegya an gerlyver ha gwruthyl hwithrans.

Akademi Kernewek a'n jeves Bord ha peswar panel, ha gans kettep panel y lown arbennek. Gonis Treylya a brovi treylyansow Kernewek dhe Sodhva an Yeth Kernewek Konsel Kernow.

Akademi Kernewek a wra hwithra termow nowydh a-dhyworth treylyansow ha kuntel termow a-dhyworth gerlyvrow a-lemmyn ha ragdresow erel rag displegya gerlyver Kernewek warlinen olldalghus.

Dalghow sel-vanylyon an wiasva hwilas korpus ma a dheu rag lemmyn a-dhyworth ober an Gonis Treylya hepken. An wiasva ma re beu displegys gans gweres Pennskol Bangor ha Nick Harpley.